داستانی خواكورك نموونەیەكی شكۆداری، كۆڵنەدان و ورەبەرزیی پێشمەرگە 34 ساڵەی داستانی خو...
داستانی خواكورك نموونەیەكی شكۆداری، كۆڵنەدان و ورەبەرزیی پێشمەرگە
34 ساڵەی داستانی خواكورك نموونەی داستانێكی قارەمانانە و پڕشكۆمەندی كوردوكوردستان بە سەرۆكایەتی پێشمەرگە ، سەرۆك بارزانی پیشانی هەموو جیهان دا ، یەكێك لەو سەروەریانەی هەرگیز لەبیر ناكرێت و لاپەڕیەكی زیندووی لە مێژووی گەلەكەمانی داگیركردوەو هەموو سالێك لە كاتی خۆی پێویستە هەڵوەستەی لەسەر بكرێت و بە شكۆداریەوە یادی بكرێتەوە داستانی خواكوركە كەوا یەكیكە لە گەورەترین داستانەكانی بزاڤی رزگاریخوازی گەلی كوردو شۆرشی گوڵانی پێشكەوتنخواز كەوا لە سەردەستی پێشمەرگە نەبەردەكانی ئەو شۆرشە و سەركردایەتی راستەو خۆی سەرۆك بارزانی تۆماركرا كە تاكو كورد ماوە شانازی پێوە بكات و بیكاتە داستانێك و بكرێتە وانەیەكی مێژوویی و لە قوتابخانەكان بگوترێتەوە بۆ ئەوەی نەوە دوای نەوە بۆ یەكتری بگێڕنەوە باسی قارەمانیەتی پێشمەرگەی تێدا بكەن كەوا چۆن توانیان پڵنگ ئاسا چۆك بەو لەشكرە زۆرو گەورە و پڕچەكە سەەردەمیانەی سەرانی بەعس دابدەن كەوا بە مەرامی مژینی خوێنی جەستەی زارۆكە چاوگەشەكانمان تەوژمیان هێنابوو لە هەموو لایەك گورگ ئاسا لە پەلامارداندابوون بەو نیازەی هیچ تاكێكی كورد بەپێوە نێڵن جەستەی لاوەكانمان بكەنە پێخۆری ژەمێكی بە لەزەتی گورگە دەم بەخوێنەكانیان و لەسەر زەوی بیانسڕنەوە.پێشمەرگە، واتا داستانی گەروی عومەر ئاغا كۆرێ خواكورك ،پردێ و سحێلا..
خواكورك ئەو داستانە بەناوبانگەكەی شەڕی بەرگری خەڵكی كوردستان تێدەپەڕێت ، ئەو داستانەی لە ماوەی 46 رۆژدا، پێشمەرگەی كوردستان ھێرشێكی بەرفراوانی سوپای عێراقی تێكشكاند كە جگە لە تۆپ و فڕۆكە، چەكی كیمیاییشی بەكارھێنا. ئەو داستانە بە سەركردایەتی راستەوخۆی سەرۆك مەسعود بارزانی بوو. لە چواردەی ھەشتی ساڵی 1988 لە وتەیەكدا بۆ پێشمەرگەكان پێشبینی ئەوەی كرد دوای شەڕی ھەشت ساڵە، بارودۆخی ئابوری و سیاسی عێراق تێكدەچێت و دۆزی گەلی كوردستانیش دەچێتە قۆناغێكی تازەوە.
لە 19 تەممووزی 1988 بە چەند ھەفتەیەك بەرلەوەی شەڕی ھەشت ساڵەی عێراق - ئێران بەتەواوی رابگیرێت، رژیمی بەعس ھێرشێكی بەرفراوانی بۆ ناوچە رزگاركراوەكانی شۆڕشی كوردستان لە دەڤەری خواكورك دەست پێكرد، بەڵام پێشمەرگەكانی لەشكری شۆڕشگێڕی كوردستان بە سەركردایەتی راستەوخۆی سەرۆك مەسعود بارزانی لە رووی ئەو سوپایەی عێراق وەستانەوە كە ئەوكات بە پێنجەمین سوپای جیھان دادەنراو شەڕێكی بەرگری كەم وێنەیان ئەنجامدا .
ناوی پێشمەرگە كاتێك لە دایك ئەبێت، هەرلە سەروو بەندی دامەزراندنی كۆماری كوردستان كە لەسەر دەستی قازی موحەممەدا دادەمەزرێت، ئەركی ڕووبەڕووبونەوەی دوژمن و داكۆكیكاری خاكی كوردستانە، بە درێژایی مێژووی ڕزگاریخوازی كوردستان هەر لەدامەزراندنی شۆرشی مەزنی ئەیلول و شۆرشی گوڵانی پێشكەوتوو خوازی نیشتیمانی ئەركی ئەوان رۆیشتن بووە بۆ سەنگەری بەرگری و بەو پەڕی گیان لەسەردەستی ئامادەیی مەرگ بوون رێك وەك ناوی پیرۆزیان واتە هەمیشە ئامادەگی هەبووە بۆ مەرگ لەهەموو ئان و ساتێك دا.
هەر لەسەردەمی كۆماری كوردستان لە مەهاباد تاكو ئێستا پێشمەرگە لەخۆبوردوانە و ئازایانە و سەرسەختانە بواری دەست درێژیی و داگیركاری بە دوژمنان نەداوە، بۆیە وەختێك شانازی بەو هێزە سەربازیە شەرفمەندە دەكەین ئەوا خەڵاتێكی خوداییە بە ئێمەی بەخشیووە.بەرخودانی پێشمەرگە هیچ پێوەرێكی نیە بۆ هەڵسەنگاندن و قەرەبووكردنەوە، هەر لە تێك شكاندنی ئەفسانەی داعش وپاراستنی شكۆی مرۆڤایەتی لەسەر ئاستی جیهان، بۆیە دەتوانین بڵێن ئەو داستان و شاكارە مەزنانە شیاوی ئەو خەڵاتانە نین كە لە جیهان دەبەخشرێن، بەڵكو سوپاس و پێزانینەكان بۆ پێشمەرگە گەورەترن و تا ئێستا وێنەی نیە، چونكە بەخشینی روح و دڵ بەكام پێوەر هەڵدەسەنگێنرێن..ئەو شەڕە بەرگریی و قارەمانییەدا كە تا 5ـی ئەیلوولی 1988 درێژەی ھەبوو. دواتر بە داستانی خواكورك ناونرا.
شەڕی خواكورك شەڕێكی بەرەیی 46 رۆژی بوو كە سوپای عێراق تۆپخانە و فڕۆكەی جەنگی و تەنانەت چەكی كیمیاویشی تیدا بەكارھێنا. لەگەڵ ئەوەشدا پێشمەرگەكانی كوردستان توانیان زیانێكی زۆر بە ھێزە ھێرشبەرەكەی رژێمی عێراق بگەیەنن، جگە لەوە شەڕەكە لە رووی سیاسی و سەربازی و ستراتیژییەوە بایەخێكی مەزنی ھەبوو، چونكە پێشمەرگە دەسكەوتێكی زۆری لە چەك وتەقەمەنی ھەبوو. لە رووی سیاسیشەوە پووچكردنەوەی ئەو خەونەی بەغدا بوو كە دەیویست وانیشان بدات بەوەستانی شەڕی عێراق ئێران، بەرگری و شۆڕشی كوردستانیش لەناو دەچێت، بەڵام بەرگری پێشمەرگە لە خواكوك زۆر لە ھاوكێشە و خەونەكانی حكومەتی بەغدای لەناوبرد.
داستانی خواكورك نموونەیەكی شكۆداری كۆڵنەدان و ورەبەرزیی پێشمەرگە بوو، چونكە لەساتەوەختێكدا تۆماركرا كە حكوومەتی عێراق زنجیرە ھێرشی ئەنفالە بەدناوەكانی دەستپێكردبوو و درێژەشی پێدەداو شاری ھەڵەبجەیشی بە چەكی كیمیایی بۆردمان كردبوو. بەھەزاران گوندی كوردستانی كاولكردبوو، خەڵكەكەی ئاوارە و سەرنگووم كردبوو، ئاوەدانیی و جەنگەڵەكانی چۆڵ و كانییەكانی ژەھراوی كردبوو، ھەربۆیە پێشمەرگەكانی لەشكری شۆڕشگێڕی كوردستان لە خواكوڕكدا سەركەوتنێكی وایان بەدەستھێنا كە بۆ بارودۆخی سیاسی و دەروونی و مۆڕاڵی كورد و شۆڕشەكەی زۆر پێویست بوو. ئەو داستانە لە ناوچەیەكی بەرتەسكدا تۆماركرا كە تێدا ڕژێمی بەعسی رووخاو چەندین سەربازی و چەند فوجی جار بەكارھێنابوو.
هەروەها لەو داستانە پرشانازی و قارەمانییەتەدا سەرۆك مەسعود بارزانی لە سەنگەرەكانی خواكوركدا لە وتەیەكیدا بۆ پێشمەرگەكان پێشبینی ئەوەی كرد كە لە ماوەیەكی زۆر كەمدا زۆر شت روون دەبنەوە و بارودۆخی ناوخۆ گۆڕان بە خۆیەوە دەبینێت و بارودۆخ بەگشتی دەگۆڕێت یا ئەوەیە دوژمن ناچار دەبێت لە بەرانبەر ئەم جۆرە بەرگرییەی پێشمەرگەدا بە خۆیدا بچێتەوە .
داستانی خواكورك تەنیا شەڕێكی بەرەیی و پارتیزانانەی پێشمەرگە نەبوو، بەڵكو سەركەوتنێكی سیاسیش بوو. خواكوڕك بەرگرییەكی بێ وێنە بوو چونكە لە ھەلومەرجێكی ناسكدا تۆمار كرا. ئەو سەركەوتنە لە كاتێكدا بوو كە سوپای عێراق لە دێوەزمەی شەڕی ھەشت ساڵە رزگاری ببوو، كە زۆربەی زۆری وڵاتانی جیھان پشتیوانیان لێدەكرد.
نەبەردی قارەمانانەی هێزی پێشمەرگەی كوردستان توانی دیكتاتۆرییەت بەچۆكدا بھێنێت و سەربەخۆیی خەباتی رەوای كورد و گیانی بەرگریی پێشمەرگەی بۆ ھەموولایەك دەرخست و ناوی پێشمەرگە ناوێكی بەرزو درەوشاوەیە لای هەموو نیشتیمان دۆستان و كوردپەروەران و ئێستاش بەهەمان ڕۆحییەتی خواكورك و داستانێكی تری شۆڕشی مەزنی ئەیلوول و گوڵانی پێشكەوتنخواز شانازی و دەستكەوتەكان و قەوارەی هەرێمی كوردستان لە هەر جۆرە پیلانگێری و هەڕەشەیەكی ناحەزانی نێوخۆیی و دەرەكی كوردستان بە خۆین و گیان پارێزگاری و بەرگری لێدەكەین .
