ئەمڕۆ یەكشەممە یەكێك لە سەنتەرەكانی چاكسازی بۆ ئالوودەبووانی ماددەی هۆشبەر لە شاری مەشهەد دەشكێنرێ و سەدان ئالوودەبووی ماددەی هۆشبەر رادەكەن. میدیا...
ئەمڕۆ یەكشەممە یەكێك لە سەنتەرەكانی چاكسازی بۆ ئالوودەبووانی ماددەی هۆشبەر لە شاری مەشهەد دەشكێنرێ و سەدان ئالوودەبووی ماددەی هۆشبەر رادەكەن.
میدیاکانی ئێران بڵاویان كردەوە: ڕووداوێکی هەڵاتنی بەکۆمەڵی ئەو کەسانە ڕوویداوە کە بۆ وەرگرتنی چارەسەری ئاڵوودەبوون بە ماددە هۆشبەرەکان لە سەنتەرێکی چاکسازی و ڕاهێنان لە شاری مەشهەد لە باکوری ڕۆژهەڵاتی وڵاتدا بوون.
بەپێی زانیارییە بڵاوکراوەکان، ڕووداوەکە دوێنێ شەممە ڕوویداوە. وێنە و ڤیدیۆ بڵاوکراوەکانی سەر تۆڕە کۆمەڵایەتییەکان دیمەنی ژمارەیەک لە نیشتەجێبووانی سەنتەرەکە دەردەخەن کە سەر دەکەونە سەر دەرگایەكی بەرز و لێیەوە دەچنە ناو شار و ئاوەدانی.
ڕاپۆرتە میدیاییەکان ئاماژەیان بەوە کردووە، ئەم هەڵهاتنە بەکۆمەڵە وەک ناڕەزایەتییەک بووە بەرامبەر بە بارودۆخی ناو سەنتەرەکە و ئەو ڕێکارە توندانەی لەلایەن پزیشکێکی نوێوە سەپێنراون، جگە لە ئاماژەدان بە کەمی ژمارەی کارمەندان و کەمبوونی خزمەتگوزارییەکان لە ناوەندەکەدا.
ڤیدیۆ: ساتی هەڵهاتنی ئالوودەبووەكان لەناو سەنتەرەكەدا:-
To view this video please enable JavaScript, and consider upgrading to a web browser that supports HTML5 video