<p>توێژەرانی ژاپۆن گەیشتوونەتە دۆزینەوەیەکی زانستیی نوێ کە دەکرێت گۆڕانکاری لە شێوازی مامەڵەکردنی خانە ماسولکەییەکان لەگەڵ چەوریدا بکات. بەپێی توێژینەوەیەک کە ل...
توێژەرانی ژاپۆن گەیشتوونەتە دۆزینەوەیەکی زانستیی نوێ کە دەکرێت گۆڕانکاری لە شێوازی مامەڵەکردنی خانە ماسولکەییەکان لەگەڵ چەوریدا بکات. بەپێی توێژینەوەیەک کە لە گۆڤاری زانستی "Food Bioscience" بڵاوکراوەتەوە، پێکهاتەیەکی سروشتی لە ناو تووتڕکی شین (Blueberry) و ترێدا دۆزراوەتەوە کە یارمەتی هەڵوەشاندنەوەی چەوری دەدات و ڕێگری لە کۆبوونەوەی لە ناو خانەکاندا دەکات.
میکانیزمی کارکردنی پێکهاتەکە تیمێکی توێژەران لە زانکۆی شینشۆ بە سەرپەرشتی پڕۆفیسۆری یاریدەدەر تاکاکازو میتانی، لێکۆڵینەوەیان لەسەر پێکهاتەی(Pterostilbene) کردووە. تاقیکردنەوەکان کە لەسەر خانە ماسولکەییەکانی مشک لە جۆری"C2C12" لە ناو تاقیگەدا ئەنجامدراون، دەریانخستووە کە ئەم پێکهاتەیە نابێتە ڕێگر لە چوونی ترشە چەورییەکان بۆ ناو خانە، بەڵکو شێوازی مامەڵەی خانەکە لەگەڵ چەورییەکان دەگۆڕێت.
توێژەران تێبینی زیادبوونی دەردانی گلیسیرۆڵ و بەرزبوونەوەی چالاکیی ئەو جینانەیان کردووە کە بەرپرسن لە ئۆکساندنی ترشە چەورییەکان. ئەمەش بەو مانایەیە کە خانە ماسولکەییەکان زیاتر مەیلیان بۆ سووتاندنی چەوری و گۆڕینی بۆ وزە هەبووە، لەبری ئەوەی وەک چەوری کۆگای بکەن.
گرنگیی دۆزینەوەکە بۆ تەندروستی کۆبوونەوەی زۆری چەوری لە ناو ماسولکەکاندا، کە زۆرجار بەهۆی سیستەمی خۆراکی ناتەندروست، کەمیی چالاکی جەستەیی و هەڵکشانی تەمەنەوە ڕوودەدات، هۆکارێکی سەرەکییە بۆ تێکچوونی میتابۆلیزم و دروستبوونی کێشەی وەک بەرگریی ئەنسۆلین. ئەم پێکهاتەیە لە ڕێگەی کاریگەری لەسەر وەرگرێکی خانەیی بە ناوی "PPARδ"، توانای خانەکان بۆ سووتاندنی چەوری بەهێز دەکات.
هۆشدارییەک بۆ بەکاربەران سەرەڕای دەرەنجامە ئومێدبەخشەکان، زاناکان جەخت دەکەنەوە کە ئەم توێژینەوەیە هێشتا وەک "چارەسەری قەڵەوی" یان "وەسفەی کێش دابەزاندن" هەژمار ناکرێت. بەو پێیەی تاقیکردنەوەکان تەنها لەسەر خانەی چێندراو لە تاقیگەدا بوون، هێشتا ڕوون نییە کە ئایا لە ناو جەستەی مرۆڤدا هەمان کاریگەرییان دەبێت یان نا، هەروەها بڕی پێویست و سەلامەتیی بەکارهێنانی وەک دەرمان پێویستی بە تاقیکردنەوەی کلینیکی زیاتر هەیە.
