ئاژانسی هەواڵی (AP) بڵاویکردەوە ئیدارەی دۆناڵد ترەمپ ڕەزامەندی لەسەر پێدانی ڤیزا بە مەسعوود پزیشکیان، سەرۆک کۆماری ئێران و عەباس عێراقچی، وەزیری دەرەوە و ئەن...
ئاژانسی هەواڵی (AP) بڵاویکردەوە ئیدارەی دۆناڵد ترەمپ ڕەزامەندی لەسەر پێدانی ڤیزا بە مەسعوود پزیشکیان، سەرۆک کۆماری ئێران و عەباس عێراقچی، وەزیری دەرەوە و ئەندامانی تری شاندی ئێران دەربڕیوە بۆ ئەوەی بەشداری لە کۆبوونەوەی ساڵانەی کۆمەڵەی گشتیی نەتەوەیەکگرتووەکان لە نیویۆرک بکەن.
وەزارەتی دەرەوەی ئەمەریکا لە ڕاگەیەندراوێکدا جەختی کردەوە کە ئەم بڕیارە بەپێی پابەندبوونەکانی وڵاتی میواندار دراوە، بەڵام هاوکات ڕایگەیاند کە شاندەکەی ئێران کۆمەڵێک رێکاری سنووردارکردنی بۆ دانراوە وەکو هاتوچۆی ئەندامانی شاندەکە بە توندی سنووردار دەکرێت و سنووردارکردنی کڕینی کاڵای لوکس و چەند بەرهەمێکی دیکە لەلایەن شاندەکەوە.
وەزارەتی دەرەوەی ئەمەریکا ئەوەشی خستووەتەڕوو کە قەبارەی شاندەکەی ئێران بۆ ئەمساڵ، بەراورد بە ساڵی ڕابردوو بچووکتر دەبێت.
