حکوومەتی عێراق لەبارەی گەشتە ئاسمانییەکانی ئێرانەوە گفتوگۆ لەگەڵ ئەمەریکا دەکات

لە ڕاگەیەندراوەکەدا هاتووە: ئەم هەوڵەی عێراق بە مەبەستی دەستپێکردنەوەی گەشتە ئاسمانییەکانە لەبەر هۆکاری مرۆیی، کە پەیوەستن بە وەرگرتنی چارەسەری پزیشکی، خوێندن، سەردانە ئایینییەکان و بەرژەوەندییەکانی هاووڵاتییانی مەدەنی.

لە ڕاگەیەندراوەکەدا نووسینگەی سەرۆکوەزیرانی عێراق ئاماژەی بەوەش داوە، حکوومەتی عێراق کار بۆ هێورکردنەوەی دۆخی ناوچەکە دەکات و پێیوایە بەردەوامیی قەیرانەکان دۆخەکە ئاڵۆزتر دەکات، بۆیە داوا لە سەرجەم لایەنەکان دەکات پەنا بۆ دیالۆگ و دانوستان ببەن بۆ گەیشتن بە چارەسەرێک کە کۆتایی بە قەیران و ململانێکانی ئێستا بهێنێت، بە جۆرێک کە بەرژەوەندییەکانی دەوڵەتان و گەلانی ناوچەکە دەستەبەر بکات.