وەزارەتی دارایی عێراق: بەم زووانە پڕۆژەیاسای بودجەی ساڵی 2027 ڕەوانەی ئەنجوومەنی وەزیران دەکرێت

وەزیری دارایی عێراق فەرمانیدا بە خێراکردنی کارەکان و تەواوکردنی ڕێکارەکانی تایبەت بە پڕۆژەیاسای بودجەی فیدراڵیی ساڵی 2027، بۆ ئەوەی بەم زووانە پڕۆژەیاساکە ڕەوانەی ئەنجومەنی وەزیران بکرێت.

ئەمڕۆ شەممە 26ـی ئەیلوولی 2026، وەزارەتی دارایی عێراق لە ڕاگەیەندراوێکدا بڵاویکردەوە: فالح ساری، وەزیری دارایی عێراق دەستبەجێ دوای گەڕانەوەی لە نیویۆرک، کۆبوونەوەیەکی لەگەڵ لیژنەی ئامادەکردنی بودجە ئەنجامدا.