یەکێتیی ئەوروپا ڕایگەیاند، بەهۆی هەڕەشی حوسییەکانەوە، ئاستی ئامادەباشیی ئۆپەراسیۆنی دەریایی "ئەسپیدیس"ی لە دەریای سوور بەرزکردووەتەوە، کە ئەرکی پار...
یەکێتیی ئەوروپا ڕایگەیاند، بەهۆی هەڕەشی حوسییەکانەوە، ئاستی ئامادەباشیی ئۆپەراسیۆنی دەریایی "ئەسپیدیس"ی لە دەریای سوور بەرزکردووەتەوە، کە ئەرکی پاراستنی کەشتییە بازرگانییەکانی لە ئەستۆدایە.
ئەم بڕیارەی ئەوروپا دوای ئەوە هات کە حوسییەکان هەفتەی ڕابردوو کۆنترۆڵی تەواوی کەناراوەکانی یەمەن و گەرووی "باب ئەلمەندەب"یان کرد، کە ڕێڕەوێکی سەرەکیی گواستنەوەی نەوت و کاڵاکانە لە جیهاندا.
کایا کالاس، بەرپرسی سیاسەتی دەرەوەی یەکێتیی ئەوروپا، پاش گفتوگۆیەکی لەگەڵ شازادە فەیسەڵ بن فەرحان، وەزیری دەرەوەی سعوودیە ڕایگەیاند: "لەبەرامبەر تێکچوونی دۆخی ئەمنی، ئۆپەراسیۆنی ئەسپیدیس ئاستی ئامادەباشیی کەشتییەکانی بەرزکردووەتەوە، لەکاتێکدا ئەرکی هاوڕێیەتییکردنی کەشتییە بازرگانییەکان بەردەوامە".
پێشکەوتنەکانی ئەم دواییەی حوسییەکان لە مەیدانی شەڕدا، نیگەرانییەکانی لەبارەی تێکچوونی زیاتری دابینکردنی نەوتی جیهانی و بەربەستکردنی هاتوچۆی دەریایی لە گەرووی هورمزیش زیاد کردووە.
جێگەی باسە، یەکێتیی ئەوروپا ئۆپەراسیۆنی "ئەسپیدیس"ی لە ساڵی 2024 بەمەبەستی پاراستنی ئاسایشی کەشتیوانی لە دەریای سوور ڕاگەیاند، ئەمەش لە کاتێکدایە کە حوسییەکان بە ئامانجگرتنی کەشتییە سعوودییەکانیان ڕاگەیاندووە.
