کوردستان
بەڕێوەبەرایەتیی گشتیی کەشناسی و بومەلەرزەزانی هەرێمی کوردستان ڕەوشی کەشوهەوای 48 کاتژمێری داهاتووی خستەڕوو و ڕایگەیاند، ئەگەری بارانبارین و هەورەبرووسکە هەیە. ئەمڕۆ یەکشەممە 30ـی ئاب، بەڕێوەبەرایەتیی کەشناسی و بومەلەرزەزانی هەرێم ڕایگەیاند: ئاسمانی هەرێم لە نێوان نیمچەهەور و هەور
بەڕێوەبەرایەتیی گشتیی کەشناسی و بومەلەرزەزانی هەرێمی کوردستان ڕەوشی کەشوهەوای 48 کاتژمێری داهاتووی خستەڕوو و ڕایگەیاند، ئەگەری بارانبارین و هەورەبرووسکە هەیە.
ئەمڕۆ یەکشەممە 30ـی ئاب، بەڕێوەبەرایەتیی کەشناسی و بومەلەرزەزانی هەرێم ڕایگەیاند: ئاسمانی هەرێم لە نێوان نیمچەهەور و هەوری تەواودا دەبێت، لەگەڵ ئەگەری پڕوشکەباران لە ناوچە جیاجیاکان. لە ناوچە شاخاوییە سنوورییەکان و بەرزاییەکان، ئەگەری نمەباران و هەورەتریشقە لە هەندێک کاتدا هەیە.
بۆ سبەی دووشەممە 31ـی ئاب، بە پێی پێشبینیەکانی کەشناسی، ئاسمان بە گشتی ساماڵ و پەڵەهەور دەبێت و ناوچەکە دەکەوێتە ژێر کاریگەریی بارستە هەوایەکی فێنک، کە دەبێتە هۆی دابەزینی بەرچاوی پلەی گەرما بە بڕی 3 بۆ 5 پلەی سیلیزی بەراورد بە تۆمارەکانی ئەمڕۆ.
بەرزترین پلەی گەرمای پێشبینیکراو بۆ ئەمڕۆ و سبەی بە پلەی سیلیزی:-
| شار و ناوچە جیاجیاکانی هەرێمی کوردستان | یەکشەممە | دووشەممە |
| هەولێر | 40 | 37 |
| سلێمانی | 39 | 36 |
| دهۆک | 39 | 36 |
| هەڵەبجە | 42 | 38 |
| زاخۆ | 39 | 37 |
| چەمچەماڵ | 41 | 38 |
| ئاکرێ | 41 | 39 |
| پیرمام | 37 | 35 |
| گەرمیان | 44 | 42 |
| حاجی ئۆمەران | 28 | 26 |
