پوختە
ئێوارەی ئەمڕۆ چوارشەممە لە گوندی بەرزێوە لە سنووری ئیدارەی سەربەخۆی سۆران، خوشك و برایەك بەهۆی بەركەوتنیان بە تەزووی كارەبا لەناو ئاودا گیانیان لەدەست دا.
کوردستان
ئێوارەی ئەمڕۆ چوارشەممە لە گوندی بەرزێوە لە سنووری ئیدارەی سەربەخۆی سۆران، خوشك و برایەك بەهۆی بەركەوتنیان بە تەزووی كارەبا لەناو ئاودا گیانیان لەدەست دا.
ئێوارەی ئەمڕۆ چوارشەممە لە گوندی بەرزێوە لە سنووری ئیدارەی سەربەخۆی سۆران، خوشك و برایەك بەهۆی بەركەوتنیان بە تەزووی كارەبا لەناو ئاودا گیانیان لەدەست دا.
رەوەند مەغدید گوتەبێژی بەرگریی شارستانیی سۆران رایگەیاند: ئێوارەی ئەمڕۆ چوارشەممە ئاگاداركراینەوە بە رووداوی گیانلەدەستدانی دوو هاووڵاتی كە خوشك و بران لەناو ئاوی گوندی بەرزێوە.
راشیگەیاند: خوشك و براكە لەناو ئاوی گوندی بەرزێوە بەهۆی بەركەوتنیان بە تەزووی كارەبای غەتاس گیانیان لەدەستداوە.
لەبارەی ناسنامەی ئەو خوشك و برایە، رەوەند مەغدید گوتی: خوشك و براكە ناویان (سیلان و گەیلان فەتاح)ـە و تەمەنیان 19 ساڵە، خۆیان خەڵكی شارەدێی گەڵاڵەی باڵەكایەتین، بەڵام دانیشتووی شاری سۆرانن.
گوتەبێژی بەرگریی شارستانیی سۆران ئاماژەی بەوەش دا كە بەهۆی تەزووی كارەبا، تیمەكان بەزەحمەت تەرمی خوشك و براكەیان لەناو ئاو دەرهێناوە.
ئێستا تەرمی خوشك و براكە بەرەو مزگەوتی گەڵاڵە بەڕێ كراون و بڕیارە لە گۆڕستانی گەورەی سۆران بەخاك بسپێردرێن.
